Jæja!  Elín er víst ekki farin í Stjörnuna.

Praise the lord!!!!!

Hver uppspretta þessa orðróms er er enn óvitað en ástæðan fyrir því að ég tók þessu sem góðu og gildu er sú að Elín sagði á MSN um daginn að hún hefði slúður að segja mér. Ég sá skilaboðin þó ekki fyrr en hún var búin að logga sig út og næsta sem ég frétti var þetta.
Í þessu tilfelli lagði ég saman 2 0g 2 og fékk út 5.

Stundum er gott að hafa rangt fyrir sér!

Á hverjum föstudegi og stundum oftar, hittum við Matti vinafólk okkar og spilum hið stórskemmtilega spil Canista!

Í stuttu máli þá er spilað með tveimur spilastokkum, jókerar innifaldir og markmiðið er að ná 7 af hverju spili, t.d. 7 ásum og þá er komin Canista. Tvistar og jókerar eru allt og er markmiðið að safna sem flestum Canistum því þæt gefa flest stig.
Spilið vinnst þegar annað liðið er búið að ná 5.000 stigum og þarf yfirleitt á bilinu 5-10 umferðir til að ná því.

Undanfarið höfum við stelpurnar átt á brattann að sækja. Á tímabili vorum við farnar að hreyta í hvor aðra og ekki síður maka okkar.
 Ef við höfum náð að vinna eitt spil þá hefur það verið naumt á meðan þeir hafa hreinlega stútað okkur í sínum sigrum sem enn eru töluvert fleiri en okkar.

Kvöldin hafa átt það til að enda 2-1 eða 2-0 fyrir þeim undanfarið!

En aldrei, aldrei, aldrei hefur það áður gerst að kvöldið hafi endað 4 - 0!!!!!!!!!!

Nú er aftur gaman í Canistu!

Í kvöld snérist það við.

Elín minn gamli vinur og félagi hefur gengið til liðs við Stjörnuna.
Óska henni alls hins besta hjá nýjum klúbb. Get þó ekki sagt það sama um aðra liðsfélaga hennar, þ.e. Elín...Ég get haldið með þér en þar set ég mörkin. Get ómögulega haldið með Stjörnunni í dag.

Mitt gamla félag er nebbla ekki eins skemmtilegt og það var á mínum tíma (eðli málsins samkvæmt)!
Óþolandi prímadonnur, vælukjóar og frekjudósir sem spila í bláhvítu núna!!!

Þoli bara ekki þetta lið eins og það er í dag! Sorry!

En ef við lítum á björtu hliðarnar þá fer það klárlega batnandi þessa dagana!

Merkilegt að fjármögnunarfyrirtækin ældu út erlendum lánum þegar þau voru óhagstæð fyrir okkur litlafólkið en svo þegar það er að verða hagstætt þá er bara loklokoglæs. Engin lán veitt nema íslensk.

Magnaður andskoti!

C. Ronaldo er orðinn Englandsmeistari.
Jebb!  Held að hinir í liðinu ættu bara að fá svona bronspening eins og gefinn er á pæjumótinu fyrir að vera með! Og svo tala ManU menn um Liverpool án Torres!!!!!!!!!

Hefði viljað vinna minna og heimsækja fleiri en þetta slapp allt saman til!

Fínt fyrir norðan eins og venjulega.
Sá þó Matta ekki mikið en það breytti því ekki að dvölin var ánægjuleg.
Á meðan Matti flísaði með Þresti þá skelltum við mæðgur okkur með tengdó í strætó, bíltúr o.m.fl.
Stelpunum fannst svo gaman í strætó að við ætluðum ekki að ná þeim út og tengdó er nú fær í flestann sjó á Akureyris. Tekur bara strætó niður í vinnu til tengdapabba og hirðir af honum bílinn og málið er dautt.

Skelltum okkur svo í "fjörðinn fagra" eins og Matti segir og fórum með stelpurnar á snjósleða. Helga vildi ekkert keyra með okkur Matta á tryllitækinu hans Helga Reynis en hæstánægð var hún að sitja aftaná hjá Ronju (4 ára) og bruna með henni upp í fjall á barnasleðanum. Þegar við náðum þeim svo í sjálfsheldu langt upp í hlíð var ekkert nema sælusvipur á andliti Helgu enda skildi hún ekkert að eitthvað væri ekki eins og það ætti að vera. Ronja er hinsvegar aðeins sjóðaðri í fjallaferðum og var komin með tár í augun.  En allt fór vel að lokum og enduðu þær vinkonur á að taka marga hringi á sléttunni og svo á páskaeggjaáti.

Í heildina var páskunum eitt með vinum og vandamönnum eins og lög gera ráð fyrir og er það vel!

Fékk far með mömmu og pabba norður og eðlilega spjölluðum við á leiðinni. Á hluta hennar hlustuðum við á Topplögin1 og 2 með Á móti sól og eitthvert þeirra laga minni mömmu á það þegar við Stjáni vorum lítil og sungum saman....

Þegar Stjáni fór á sjóinn þá var sól um alla jörð
og hún sat á bryggjupollanum hún Stína
blés í vasaklút og svuntuhorn og saltan skýluklút
er hún sá á eftir Stjána á hafið út.
o.s.frv.
(Skildist á mömmu að afi Stjáni hafi bent okkur á að lagið væri miklu betra með okkar nöfnum en þeim sem upphaflega voru í textanum, held það hafi verið Stebbi og Stína).

En aftur að máli dagsins....
Látum það liggja milli hluta hvað þetta er fáránalega kynhlutverka ákveðinn texti, látum það vera að aldrei hefði ég seti á bryggjupollanum og grátið einhvern gaur og látum það svo að auki vera að við Stjáni erum náskyld. Ég næ hinsvegar ekki upp í það að ég hafi fengist til að syngja með Stjána því laglausari dreng man ég ekki eftir!

Fékk nokkur svoleiðis köst á Sálartónleikunum en ekkert þeirra jafnaðist á við þegar ég sá þetta.....

http://youtube.com/watch?v=MGrhQXtn92g 

Bara snilld!

Eftir nokkur ár ef ég verð búin að gleyma því hvernig er að ganga með börn og ég eignast strák, þá ætla ég upp á grínið að sækja um nafnið "Njálgur" hjá mannanafnanefnd.
Í kaflanum "afhverju nafnið Njálgur" þá ætla ég að skrifa....Í höfuðið á ORMHILDI frænku sinni!!!!!!!

Mannanafnanefnd var að samþykkja nöfnin Ormhildur og Ljótun!

Hvað er að foreldrum sem vilja skýra börnin sín þessum nöfnum???????
Það ætti náttla að svipta svona fólk forræði, allavega tímabundna lögræðissviptingu foreldra í þágu framtíðargeðheilsu barnsins.

Hvað ætli Ormhildur verði kölluð í skóla - Njálgur er það versta sem ég get hugsað mér! Dettur þó margt annað í hug!

Fávítar!

Það var ÓGEÐSLEGA GAMAN á Sálinni!

Ekki skemmt mér svona vel lengi. Hoppaði eins og hálviti eins og í gamla daga nema krafturinn ekki alveg jafn mikill og þá sér í lagi hægra megin. En það sá það enginn og heldur ekki Salomon fjallgönguskóna sem ég var í. Ég var cooool!

Var svo dregin í eitthvað eftirápartý með hljómsveitinni og fullt af einhverju liði og var svo komin heim um 3:30.
Stællinn í hádeginu og svo bara til í daginn og 40 ára afmæli um kvöldið.
Sé að ég þarf að fara að safna fjallgöngu og útlandamyndum fyrir mitt fertugsafmæli. Já eða bara photoshoppa;)

Hvað er svo með gelluna í Nova auglýsingunum? Er það bara ég eða er hún jafn lík Jennifer Garner og Móeiður Júníusdóttir er lík Umu Thurman?

Sálin á föstudaginn! Er að reyna að hlakka til. Gengur erfiðlega fyrir próflestri og skilum á ársreikningi.  Elska hvað líf mitt á til að troða alltaf öllum mikilvægum atriðum á sama tímapunktinn og svo deyr maður úr leiðindum inn á milli. Er enn að reyna að skilja að vorprófunum hafi verið frestað frá því að vera í síðasta prófi daginn fyrir ammælið mömmu í það að vera í byrjun júní.  Sérstaklega þar sem það er enginn pressa frá mömmu að við syskinin stöndum okkur í stykkinu. Það hlýtur eitthvað að koma uppá!
Ætli Matti ákveði ekki að koma familíunni á óvart og bjóða okkur til útlanda fyrstu vikuna í júní, að sjálfsögðu með "unrefundable tickets"!
Sjáum til!

Það er vonlaust að bíða eftir bílastæði fyrir utan apótek. Þar inn fer svo mikið af gömlu fólki og það er alveg rosalega lengi að bakka út úr stæðum!

Það er nýji sjúkraþjálfarinn minn hún Bryndís Ólafsdóttir.
Jebb!  Þegar ég asnaðist til sjúkraþjálfara þá valdi ég fyrrum ólympíufara og fyrrum sterkustu konu Íslands (og pottþétt víðar) til að þjösnast á mér.
Og vá hvað hún þjösnast á mér.  Ef það væri ekki fyrir það að ég veit að ég hef ekki roð í hana þá væri ég löngu búin að hlatra upp og berja hana.

Verst að hún er snillingur í sínu fagi svo þetta er sjálfsagt nauðsynlegt.

Og svo skalltu gera þetta svona tvisvar á dag, t.d. þegar þú ert að horfa á sjónvarpið (nuddar fast staðinn þar sem ég meiddi mig svo að ég fæ sting frá ökla og upp í heila). Já einmitt, One Tree Hill og öskur fara svo vel saman nebbla.

Er að geðbilast á þessum ökla! Gerist alltof hægt!!!

Svo ég hringdi í Dodda og bað hann um að redda mér beiðni í sjúkraþjálfun sem hann og gerði þegjandi og hljóðalaust enda dáðadrengur þar á ferð. Eða það hélt ég allavega!!!!
Ég fæ beiðnina í hendur í flottu umslagi. Þarna er ég enn mjög sátt við kallinn.
Svo kemur að því að tíminn hjá sjúkraþjálfaranum nálgast og fyrir rælni þá ákveð ég að skoða beiðnina.
Þá rek ég augun í það.....Já hann Doddi er víst ekki eins saklaus og hann er séður og eitthvað hefur læknanámið örvað stríðnigenið í honum því í skýringu hefur hann m.a. skrifað......Kristín er ótrúlega fjölhæfur íþróttamaður í landsliðsklassa í knattspyrnu. 
Ég sé hann fyrir mér flissandi við að skrifa þetta í beiðnina en ég skil ekki og mun aldei skilja að hann hafi haft geð í sér til að vara mig ekki við.
En djöfull hlógum við Begga samt þegar ég sýndi henni þetta.

Karl bretaprins væri prinsinn í ævintýrabókunum?

Þá væru Öskubuska og Mjallhvít ennþá sofandi!

Ælupestinni lauk kl. ca. 06:00.  Við tók svefn sem entist til 12 á hádegi hjá okkur mæðgum að undanskyldum klukkutíma hjá mér sem fór í að skjótast í sjúkraþjálfun.
Helga var hinsvegar orðin hin sprækasta eftir lúrinn svo við tók dagskrá sem mestmegnis samanstóð af því að spila við mömmu þó að mér hafi tekist að troða inn einhverju teiknimyndakyns svona rétt á meðan ég svaraði tölvupóstum.

Eitt spilið sem við spiluðum var minnisspil, þetta með spjöldum á hvolfi og svo á maður að fletta og reyna að fá jöfnur.  Hér kemur snillingurinn inn í myndina!
Þrátt fyrir að Helga sé nokkuð lunkin og hafi í alvöru og án hjálpar tekist að vinna mömmu sína nokkrum sinnu auk þess sem hún fékk hjálp við það nokkrum sinnum var daman ekki sátt. Jafntefli er ekki eitthvað sem hún sættir sig við og þá fór heilinn af stað. Hvernig gæti hún unnið mig "ALLTAF"?
Lausnin var einföld og kom tiltölulega fljótt.
Nýju leikreglurnar voru þær að Helga fékk alltaf að byrja, maður fær að gera aftur ef maður nær jöfnu og..... myndirnar á spjöldunum snéru upp.
Merkilegt samt hvað hún varð alltaf glöð þegar hún fann jöfnur og svo var eitthvað sem skelfdi mig við innilega tilhlökkun hennar yfir því að ég hafi ekki náð neinni jöfnu!

Þrátt fyrir að staðan hefði óneytanlega batnað henni í hag með þessum nýju reglum þá fór henni fljótt að leiðast það að mamma fékk aldrei að gera svo við fórum aftur í gömlu leikreglurnar.

Þá byrjaði hún að svindla!
1. Hún sá um að setja spjöldin niður á borðið og hún kíkti á hvert og eitt einasta þeirra áður en hún lagði það niður.
2. Ef hún náði ekki jöfnu þá lagði hún niður og gerði aftur.
3. Ef að ég náði jöfnu og átti að gera aftur þá hunsaði hún það algerlega ef það voru fá spjöld eftir í borðinu.
4. Ef ég leit undan þegar ég átti að gera þá gerði hún á meðan.
Snilldin við þetta er svo sú að ég var í forledraviðtali á leikskólanum í gær og þar sagði fóstran/leikskólakennarinn mér að hún væri með svo sterka RÉTTLÆTISKENND!!!!!!

Hvað er þetta með dætur  mínar? Í hvert skipti sem ég tek ákvörðun um að vinna heima þá verða þær veikar! Ótrúlegt!!!!

Annars er ég með reglu hér fyrir Níels Karlsson a.k.a. Nilla til að sanna.

Samúð með barni með ælupest er jöfn upphaflegri samúð deilt með (1- (Samtals svefn/24) í veldinu fjöldi skipta sem ælt er yfir mann!

Hefur tilhneygingu til að nálgast 0

Hverjum ætli Pútín ákveði að útríma þega helförin hans fer af stað?

Ég veðja á Araba því þeir eiga svo mikið af olíu!

1.000 kall í pottinn!!!!  Hverjir eru með!

Mikið rosalega á ég erfitt með að horfa á þessa þætti.
Ég er meðvirkari en andskotinn og líður svo illa þegar vitleysingarnir eru að gera eitthvað heimskulegt að það er rosalegt.
Skipti oft um rás á meðan það versta gengur yfir en djöh.eru þeir skemmtilegir!